Атырау, 23 ақпан 05:28
Таңертең бұлыңғыр болады-2, күндіз +1
ҚР Ұлттық банкінің валюта бағамы: $ 319.68  € 392.95  P 5.63

Салдыр-гүлдір, салдыр-гүлдір жолдар-ей...

7 тамыз 2017 13:00

Атырау-Астрахан тас жолының жырын жырламаған адам қалмаған шығар біздің облыста. Әрине, жол азабын жүрген біледі.

Атыраудан батысқа бет алған жолаушыларды қаладан шыға бере шыдатпас жағымсыз иіс мазалайды – бұл қаланың кәріз жүйесінің соңғы нүктесі. «Черная речкадан» басталған иіс үлкен көпірден асқанша басылмайды. Тіпті, көліктің терезелерін жауып тастасаң да, еш қайран жоқ. Балалар «фуу» деп жиіркеніп жатса, сен екі саусағыңмен мұрныңды баса жөнелесің.

Әрі қарай жол бойында шұңқырлар басталады. Ірімшіктегі тесіктер сияқты. Ресейлік танымал «Универ» сериалының актері Станислав ЯРУШИН Атырауға келген сапарында күл-талқаны шыққан жолды сынаған бейнежазбасы әлеуметтік желіге таралған болатын.

Біреуінен өттім бе деп еңсеңді енді көтере бергенде келесі шұңқырға келіп тірелесің...

Аяғы ауыр әйелдерге, балаларға, денсаулығы нашар адамдарға бұл жолмен жүру – азаппен тең. Былтыр күзде Атырауға жете алмай, сәбиін Аққыстауда дүниеге әкелген құрманғазылық келіншекті танимын.

Тас жолдың бойында қаза тапқандарға арнап қойылған белгілер де көп. Әр бұрылыс сайын десем, артық кетпеспін. Талай жанның өмірін де қиды бұл жол.

«Раньше объезжали ямы, теперь проще объезжать дорогу» деген сөз бар ғой, біздің жүргізушілер оны да орындап тастаған. Тас жолдың жанынан қара жолмен де жүре береді.

Бұл жерде Душанбе-Мәскеу пойызының жолсеріктерінің құдайы беріп тұр. Олар Ганюшкино станциясына дейін баратын жолаушыларды 500-1000 теңгеге ала кетеді.

Енді міне, жақында бірнеше брифингтерде Астрахан тас жолын жөндеу жұмыстарының басталатыны айтылды. Жөндеуді 2020 жылы бітіруге уәде беріп отыр. Асыға күтеміз.

Нұргүл ХАЙРУЛЛИНА

Нашли ошибку? Выделите её мышью и нажмите Ctrl + Enter.
 

1224 рет қаралдыБасты бет Поделиться:

Подпишитесь и узнавайте о новостях первыми


Тақырып бойынша жаңалықтар

Астрахан тас жолы келер жылы жөнделеді  1403 рет қаралды

Қиылыс мәселесі  90 рет қаралды

Жол қиылысында қозғалу тәртібін білеміз бе?  1198 рет қаралды

Жолдар, жолақтар, қиылыстар туралы  1044 рет қаралды

Басты бет

1 2 3 4 5