Атырау, 27 сәуір 09:57
Күндіз ашық+22, кешке +13
ҚР Ұлттық банкінің валюта бағамы: $ 327.92  € 399.31  P 5.23

Халықтың цифрлық сауаттылық деңгейін 83 пайызға жеткіземіз – Дәурен Абаев

14 қараша 2017 11:28


Халықтың цифрлық сауаттылық деңгейін 2022 жылға қарай 83 пайызға жеткізу, яғни 2017 жылғы көрсеткіштен 7,5 пайызға өсіру жоспарланып отыр. Бұл туралы Үкімет отырысында ҚР Ақпарат және коммуникациялар министрі Дәурен Абаев айтты, деп хабарлайды Baq.kz тілшісі.

«Жол картасының 17-ші тармағына сәйкес, министрлік жергілікті атқарушы органдармен бірлесе отырып, «Цифрлық Қазақстан» бағдарламасы аясында халықтың цифрлық сауаттылығын арттыру шараларын қарастырды. Осының нәтижесінде сауаттылық деңгейін 2022 жылға қарай 83 пайызға жеткізу, яғни 2017 жылғы көрсеткіштен 7,5 пайызға өсіру жоспарланып отыр. Сондай-ақ, «Цифрлық Қазақстан» аясында жергілікті атқарушы органдарды оқытатын кәсіби кадрлар санын арттыру да қамтылған. Цифрлық білім бүгінгі күні барлық салада сұранысқа ие екенін ескеретін болсақ, халықтың осы бағыттағы білімін ұлғайту аса маңызды екені анық. Алайда, жүргізілген сауалнама қорытындысына сәйкес, биылғы жылы компьютерлік сауаттылыққа оқыту еліміздің тек 7 аймағында жүргізілген. Жалпы, 84 мың адам оқытылған. Жыл соңына дейін жоспарға сәйкес тағы 12 мың азамат білім алуы тиіс», - деді Абаев.

Министрдің айтуынша, жергілікті атқарушы органдар адамдарды ескі бағдарлама бойынша оқытып жатыр. Сондықтан, мемлекеттік бағдарлама аясында жергілікті атқарушы органдар алдында адами капиталды дамыту бағыты бойынша халықты цифрлық білімнің базалық курсынан өткізу міндеті тұр.

«Министрлік өз кезегінде осыны іске асыру үшін бірыңғай әдістеме әзірлеуді жоспарлап отыр. Қазіргі уақытта бұйрық келісу үшін Әділет министрлігінде қаралып жатыр», - деп түйіндеді сөзін Дәурен Абаев.

Дереккөз: Baq.kz

Нашли ошибку? Выделите её мышью и нажмите Ctrl + Enter.
 

358 рет қаралдыБасты бет Поделиться:

Подпишитесь и узнавайте о новостях первыми


Тақырып бойынша жаңалықтар

​Дәурен Абаев мемлекеттік органдардың баспасөз хатшыларының міндеттерін бекітті   70 рет қаралды

​ҚР Ақпарат және коммуникациялар министрлігі Telegram-ның бұғатталуына мүдделі емес  162 рет қаралды

​Дәурен Абаев Ratel.kz және Forbes Қазақстан редакцияларындағы тінтуге қатысты пікір білдірді  193 рет қаралды

Латын әліпбиінің соңғы нұсқасы тиімді – Дәурен Абаев   352 рет қаралды

Басты бет

1 2 3 4