Атырау, 22 қаңтар 05:07
Таңертең бұлыңғыр болады-5, күндіз -2
ҚР Ұлттық банкінің валюта бағамы: $ 324.27  € 398.27  P 5.73

Ет неге қымбаттады?

9 қаңтар 17:46


Өткен аптада қала базарларында ет бағасы қымбаттады. Тұрғындар  сиырдың сан етінің 2500 теңгеге дейін көтерілгенін айтады. «АЖ» тілшісі Сарайшық» коммуналдық базары, «Көктем», «Дина» базарларын аралап қайтты.

Ет бағасы 1800-2500 теңге аралығында. Сатушылардың айтуынша, жаңажылдық демалыс күндері соятын малдың келмеуіне байланысты баға қымбат болған. 

- Жаңа жылдың алдында 2000- 2200 теңге болды. Жаңа жылдан кейін баға өсті.

Біз тұрақтандыру қоры бар  «Атырау» әлеуметтік- кәсіпкерлік корпорациясына хабарластық. Мемлекеттік бағдарламалар жөніндегі департаментінің директоры Дмитрий ДЮДІҢ айтуынша, мекеме соңғы жылдары етті сатып алумен айналыспайды.

- Біз етті 2011-2012 жылдары сатып алдық. Одан кейін ұсыныс болмағандықтан, сатып алуды тоқтаттық. Біз қазіргі уақытта «Дина», «Насиха», «Көктем», «Сарайшық» базарларындағы арнайы бөлінген орындарға көкөніс - картопты 86 теңге, қырыққабатты 81 теңге, сәбізді 100 теңге, пиязды 85 теңгеден сатамыз.

Қалалық кәсіпкерлік және туризм бөлімінің басшысы Руслан ДАУЛЕТОВ бағаның бұлай қымбаттау себебін мереке күндері қалаға ет жеткізілмеген себебімен түсіндірді.

- Ауа райының қолайсыз, жолдың тайғақ болуына байланысты  тасымалдаушылар ет жеткізе алмаған. Бүгін қарап шықтық, ет бар.

- Еттер қай жақтан жеткізіледі?

- Көбіне Батыс Қазақстан облысынан және Қызылқоға мен Құрманғазы аудандарынан тасымалданады. 

Гүлфайруз ТӨРЕМҰРАТОВА

Нашли ошибку? Выделите её мышью и нажмите Ctrl + Enter.
Следите за новостями
в телеграм канале @AzhKz_KZ

1482 рет қаралдыБасты бет

Тақырып бойынша жаңалықтар

Картоп қымбаттап кетті  1267 рет қаралды

Нан қымбат  1170 рет қаралды

​«Бағаға көз тастап…»  1037 рет қаралды

Отансүйгіштік бағамен өлшене ме?  1501 рет қаралды

Басты бет