Атырау, 22 қаңтар 05:01
Таңертең бұлыңғыр болады-5, күндіз -2
ҚР Ұлттық банкінің валюта бағамы: $ 324.27  € 398.27  P 5.73

"Арнайыавтобаза" директоры ұсталды

11 қаңтар 19:18


Атырауда аса ірі көлемде бюджет қаржысын жымқырды деген күдікпен "Арнайыавтобаза" директоры Самат ТҰРНИЯЗОВ қамауға алынды.

Тергеу судьясы оған қатысты екі айға қамаққа алу бұлтартпас шарасын қабылдады. ҚР ҚК-ның 189-бабы ("Сеніп тапсырылған бөтен мүлікті иемденіп алу немесе талан-таражға салу") бойынша айып тағылды.

Жергілікті атқарушы орган тағайындаған "Арнайыавтобаза" КМҚК директоры мәртебесі бойынша мемлекеттік қызметтерді орындауға өкілетті тұлғалар қатарына жатады. Сондықтан Тұрниязов, Сыбайлас жемқорлыққа қарсы іс-қимыл ұлттық бюросының Атырау облысы бойынша департаментінің күдігі бойынша, өз қызметтік жағдайын пайдаланып, мемлекеттік меншікке қарсы жемқорлық құқықбұзушылық жасаған. "АЖ"-дың ресми сауалына берген жауабында Атырау қаласының №2 сотының баспасөз қызметі "иемдену және талан-таражға салу жолымен бірнеше рет қайталаған" деген болатын.

Тұрниязов директор болып 2016 жылы тағайындалған болатын. Ол Ақтөбе қаласының тумасы, Атырау облысы әкімі Нұрлан НОҒАЕВТЫҢ жерлесі ғана емес, құрдасы да болып келеді, екеуі де 50 жаста. Осы сәйкестік ел арасында екеуі сыныптас екен деген алып-қашпа әңгімеге негіз болған сияқты.

Зульфия БАЙНЕКЕЕВА

Нашли ошибку? Выделите её мышью и нажмите Ctrl + Enter.
Следите за новостями
в телеграм канале @AzhKz_KZ

1792 рет қаралдыБасты бет

Тақырып бойынша жаңалықтар

Кепілдіктен көмек болмады  1169 рет қаралды

Газ тарифі бойынша тыңдау: екіншісі Атырауда өтеді   1219 рет қаралды

Директор ақша ұрламағандығына сендіреді  1497 рет қаралды

Алматы метросының экс-директоры ақша жымқырды деген күдікпен 2 айға қамалды  732 рет қаралды

Басты бет